မြေအောက်ရေနှင့်ကျန်းမာရေး၊ (Groundwater & Health) အပိုင်း ၃

Groundwater and Health

က။ သောက်သုံးရေအတွက် စက်ရေတွင်းတူးရန် နေရာရွေးချယ်ပါက အောက်ပါတို့ကို အဓိကစဉ်းစားပါရန်။

၁။ မိလ္လာအညစ်အကြေးစွန့်ကန်၊ပိုက်လိုင်းများနှင့်အနဲဆုံးပေ(၅၀)ကွာဝေးရန်

၂။ အသုံးမပြုသည့်တွင်းနှင့်အနဲဆုံးပေ(၅၀)ကွာဝေးရန်

၃။ ခြံဝန်းအတွင်းရှိကျင်းအိမ်သာနှင့်အနဲဆုံးပေ(၅၀)ကွာရန်

၎။ စွန်ပြစ်ပစ္စည်းအမှိုက်ပုံနှင့်အနဲဆုံးပေ(၅၀)ကွာဝေးရန်

၅။ သင်းချိုင်းအုပ်ဂူနှင့်အနဲဆုံးပေ(၅၀)ကွာဝေးရန်

၆။ အိမ်မွေးတိရစ္ဆာန်ထားသည့်အဆောက်အဦနှင့်အနဲဆုံးပေ(၅၀)ကွာဝေးရန်

၇။ တိရစ္ဆာန်အစားအစာသိုလ်လှောင်ထားသည့်အဆောက်အဦနှင့်အနဲဆုံးပေ(၅၀)ကွာဝေးရန်

၈။ ဆီဂါလံ(၁၀၀၀)နှင့်အထက်သိုလ်လှောင်သည့်ကန်၊(မြေတွင်း)တို့နှင့်အနဲဆုံးပေ(၅၀)ကွာဝေးရန်

၉။ ဓါတ်ငွေ့ပိုက်လိုင်းနှင့်အနဲဆုံးပေ(၅၀)ကွာဝေးရန်

၁၀။ ရေကန်၊ချောင်းမြောင်းစသည်တို့နှင့်အနဲဆုံးပေ(၃၅)ကွာဝေးရန်

၁၁။ ရေကူးကန်(အိမ်ခြံဝန်းအတွင်းရှိ)နှင့်အနဲဆုံးပေ(၂၀)ကွာဝေးရန်

၁၂။ အိမ်သုံးဆီလှောင်ကန်(ဂါလံ-၁၀၀၀-အောက်)နှင့်အနဲဆုံးပေ(၂၀)ကွာဝေးရန်

၁၃။ လျပ်စစ်ဓါတ်အားလိုင်းနှင့်အနဲဆုံးပေ(၁၀)ကွာဝေးရန်

၁၄။ အိမ်အဆောက်အဦနှင့်အနဲဆုံးပေ(၃)ကွာဝေးရန်

ခ။ စက်ရေတွင်းမှရေကိုစမ်းသပ်စစ်ဆေးပါ။

မြေအောက်ရေကို သောက်သုံးရေအဖြစ် အသုံးပြုနေသူများသည် မိမိတို့အိမ်ရှိစက်ရေတွင်းမှ ထွက်သောရေ၏အအသွေးကို သိရှိရန်၊ ကမ္ဘာကျန်းမာရေးအဖွဲ့ (WHO / World Health Organization) ကသတ်မှတ်ထားသော သောက်သုံး ရေအရည်အသွေးအဆင့်အတန်း၊ (Drinking Water Quality Standard) တန်းနှင့်ချိန်ထိုးပြီး အခြေခံ အချက်အလက်များကို သိထားရန်ဖြစ်သည်။ တနှစ်တခါ ပုံမှန်ရေ စမ်းသပ် စစ်ဆေးသင့်ပါသည်။ ကျွမ်းကျင်သူများနှင့် ဆွေးနွှေးတိုင်ပင်သင့်ပါသည်။ အမျိုးသားကျန်မာရေးဓါတ်ခွဲခန်း NHL (National Health Laboratory) ၌ စမ်းသပ်စစ်ဆေးပေးသည်။

ဦးစားပေးစမ်းသပ်သင့်သည်များမှာ

(၁) ပီအိပ်(ခ်ျ) pH။

(၂) သံဓါတ် Iron(Fe)။

(၃) မဂ္ဂနီ့ဓါတ်(Magnese(Mn))။

(၄) ဓါတ်ဆားပျော်ဝင်မူ့စုစုပေါင်း Total Dissolved Solid(TDS)။

(၅) ကလိုရိုဒ်(အငံဓါတ်/ဆားဓါတ်) Chloride(Cl-) တို့ဖြစ်ပါသည်။

ရေကောင်းရေသန့်နှင့် လူတို့၏ အခြေခံရပိုင်ခွင့် (Clean & Clear Water and Human Right)

(၁) အရောင်အဆင်း အနယ်အနှစ်အနံအရသာ တို့ကိုဖြစ်စေသောရုပ်ဝတ္တုများ ကင်းစင်စေခြင်း။

(၂) လူတို့၏ စိတ်ရောကိုယ်ပါကျန်းမာမှု့ကို ထိခိုက်စေသောဓာတ်ပစ္စည်းများ ကင်းစင်စေခြင်း။

(၃) လူတို့အား ရောဂါရစေသောပိုးမွှားများ ကင်းစင်စေခြင်းစသည့် အရည်အချင်းသုံးရပ်နှင့်ပြည်စုံသောရေကို ရေကောင်းရေသန့်ဟုခေါ်ပါသည်။ ရေသည်ကမ္ဘာလောကသား အားလုံးအတွက် မရှိမဖြစ် အခြေခံအလိုအပ်ဆုံးသောအရာ ဖြစ်ပါသည်။ စိတ်ချစွာ သောက်သုံးနှိင်သောရေနှင့် သန့်စင်သောလေရရှိရေးသည် လူသားအားလုံး အတွက် မွေးရာပါရပိုင်ခွင့် ဖြစ်ပါသည်။ မြေအောက်ရေသည် မြေပေါ်ရေထက်ပမာဏ၊ အဆများစွာဖြစ်တည်နေပါသည်။ ထိုကြောင့်မြေအောက်ရေကို အဆိပ်အတောက်၊ ရောဂါပိုးပွားများ ပျော်ဝင်ညစ်ညမ်းမှု့မရှိအောင် စဉ်ဆက်မပြတ် ဆက်လက်စောင့်ရှောက် ထိမ်းသိမ်းထားရမည် ဖြစ်ပါသည်။ သို့မှသာ လူသားအားလုံးအတွက် အလိုအပ်ဆုံးသောသောက်သုံးရေ ကိုအမြဲရယူသုံးစွဲနှိင်မည် ဖြစ်ပေသည်။

နိဂုံး (Conclusion)။

သန့်ရှင်းကောင်းမွှန်သော ရေသည်လူသားအားလုံး၏ ကျန်မာရေးနှင့်သန့်ရှင်းသော ပတ်ဝန်းကျင်အတွက်အရေးကြီးသော၊ တန်ဘိုးရှိသောလာဒ်တပါးဖြစ်ပါသည်။ စိတ်ချစွာ သောက်သုံးနှိင်သော သန့်စင်သည့်ရေ၊ မိလ္လာနှင့်ပတ်ဝန်းကျင်သန့်ရှင်းရေးသည် လူ့ကျန်းမာရေးအတွက် အဓိကဖြစ်သည်။ မြေအောက်ရေသည် စွန့်ပြစ်ရေဆိုးများ၏ အန္ဒရာယ်ကို အများဆုံးခံစားရသည်။ ပြည်သူအများကျန်းမာနေက တိုင်းပြည်စီးပွားတိုးတက်ရေး ပိုမိုလုပ်ဆောင်နိုင်မည် ဖြစ်သည်။ မြန်မာနှိင်ငံတွင်သောက်သုံးရန် သင့်လျော်သောရေ(Potable water)ရေကို (၈၃.၂%)သောမြို့နေလူထုနှင့် ကျေးလက်နေပြည်သူ(၇၇.၆%)အသုံးပြုနေကြသည်။ ကောင်းမွန်သောမိလ္လာနှင့် ရေဆိုးထုတ်စနစ် ကိုမြို့နေပြည်သူ (၈၅%)နှင့် ကျေးလက်နေပြည်သူ(၇၅%) အသုံးပြုနေကြကြောင်း ကျန်းမာရေးမှတ်တမ်း၊ အစီရင်ခံစာများတွင် တွေ့ရသည်။ စွန့်ပြစ်ရေဆိုးများ စနစ်တကျစွန့်ပြစ်စေရေး၊ စွန့်ပြစ်ရေဆိုးများကို စနစ်တကျသန့်စင်ပြီး ပြန်လည်သုံးချစေရေး၊ ရေနှင့်ပတ်ဝန်းကျင်သန့်ရှင်းရေး၊ ရေအရင်းအမြစ်များအစဉ်သန့်စင်နေစေရေး၊ စသည့် ရေအရေးဆိုင်ရာလုပ်ငန်းများကို နိုင်ငံတ၀ှမ်း လုပ်ဆောင်ကြရမည် ဖြစ်ပေသည်။ ပြည်သူပြည်သားများ၏ ကျန်းမာရေးကို တိုးတက် ကောင်းမွန်စေမည်။ ထိုအချက်များသည် နိုင်ငံဖွံဖြိုးရေးအတွက် အခြေခံအုတ်မြစ်ဖြစ်ပါသည်။ အထက်ပါအချက်များ ဖြင့် ရေရှည်ကောင်းမွန် တိုးတက်တည်နေရေး အတွက် အဓိကလိုအပ်ချက်မှာ "မြေအောက်ရေဥပဒေ" ဖြစ်သည်။ သို့မှသာမြေအောက်ရေအရင်းအဖြစ်ကို စနစ်တကျ ထုတ်ယူသုံးစွဲနိုင်ခြင်း၊ စနစ်တကျကာကွယ်ခြင်းဖြင့် ပြည်သူပြည်သားများကဥပဒေ၊ နည်းဥပဒေ၊ ပညာရပ်ဆိုင်ရာ စီမံခန့်ခွဲမူ့များအတိုင်း လိုက်နာဆောင်ရွက်လာနိုင်မည်။ မြန်မာနှိင်ငံသူနိုင်ငံသားအားလုံး၊ လူမျိုးမရွေး၊ ဘာသာမရွေး၊ မြေအောက်ရေကြောင့်ကျန်းမာရေး၊ ဘေးဒုက္ခကကင်းဝေးစေရန်…..


(Groundwater for all: Healthy use; No Race, No Religious)

Author: Myint thein

Date: 25th Jan 2019

မြေအောက်ရေနှင့်ကျန်းမာရေး၊ (Groundwater & Health) အပိုင်း ၁

စကားဦး (Preface) ။ ။မြန်မာနှိင်ငံတွင်မြေအောက်ရေကိုစက်ရေတွင်းများ၊ လက်တူးတွင်းများက တဆင့်ထုတ်ယူသုံးစွဲနေကြသည်မှာ လွတ်လပ်ရေးမရမှီခေတ်ကစ၍ ယနေ့အထိပင်ဖြစ်သည်။ (၁၉၈၈)ခုနှစ်နောင်းပိုင်းကစ၍ ပိုမိုများပြားစွာ ထုတ်ယူသုံးစွဲလာကြသည်။ သောက်သုံးရေ၊စိုက်ပျိုးရေ၊ စက်ရုံအလုပ်ရုံသုံးရေ၊ မွေးမြူရေးလုပ်ငန်းသုံးရေ၊ စသ...
https://www.myanmarwaterportal.com/news/1146-မြေအောက်ရေနှင့်ကျန်းမာရေး၊-groundwater-health.html

မြေအောက်ရေနှင့် ကျန်းမာရေး၊ (Groundwater & Health) အပိုင်း ၂

မြေအောက်ရေတွင်ပျော်ဝင်နေသည့်ဓါတ်ပစ္စည်းများ၏စံနှန်းသတ်မှတ်ချက်နှင့်ကျန်းမာရေးသက်ရောက်မူ့များ (Dissolved Chemical Properties, Standard (WHO2011) and Health Impact & Remarks) (အသုံးပြုသည့်ယူနှစ် = မီလီဂရမ်ပါလီတာ (mg/l =milligrams/liter, or parts per million (ppm ); Nephelometric Turbidity Units (NT...
https://www.myanmarwaterportal.com/news/1159-မြေအောက်ရေနှင့်-ကျန်းမာရေး၊-groundwater-health-အပိုင်း-၂.html
A Role Play of Wetlands in Yangon
Dams help in socio-economic development

Related Posts

Providing you the latest news, insights, opportunities and events from the Myanmar water sector.

Myanmar Water Journal

Subscribe to our newsletter.